Bazlamača (zlevanka)
Bazlamâča (zlevanka): - u kajkavskom području srednje i sjeverne Horvatske, to je tradicijski seljački kolač poput pite. Slede izvorni domači kajkafski recepti za praf zdelati bazlamâču iliti takaj zlevanku:
Sadržaj
Sastojki
Sastavne sirovine: 3 jajca, 3 žlice cukora, žlička soli, malo kuruznog brašna, mleka, čaša vrnja, germe i ulja.
Za jeden protvan bazlamâče zeme se oko litre mleka i stopi se, malo se cukora doda i germa se zdrobi, pak se pusti zdignuti. Onda se dva-tri jajca stučeju ze žlicom-dve putra, pak se vu jajca nadignuta germa dodaje. Za litru mleka zeme se dve i pol do tri šalice kuruznoga brašna, pak se z nadignutim mlekom zaleva i dobro z kuhačom zmeša, da se kak zlevanka naredi.
Tak ređe testo pusti se nadignuti na toplom mestu oko pol vure. Zdignuto se zlije vu dobro zamašćeni protvan. Ondak se na jenake razmake po malo pekmeza od sliv metne. A onda se vu vručem čekmežu peče dok se od protvana ne počne odvajati. Na kraju se ze šalicom vrnja prelije, pak se još samo kratko metne vu vrući čekmež, da se vrnje upije.
Bazlamâča od kuruznog brašna
Zemi mleka, stuci nutra dva - tri jajca i dobro protuci z kuhačom, malo posoli, a ondak prosij kuruzno brašno na gusto sito i zamuti u mleko brašna tolko, da se zlevati dade ipak ne preretko. U plehu dugom razbeli masti, zlij na nju i peci kod dobre vatre.
Bazlamâča ze sirom
Načini isto takvo tijesto i upravo ga tako dobro izlupaj, ondak uzmi mekana sira, ali ne baš danas učinjenoga, nego od jučer, smrvi ga i smiešaj z' brašnom i peci polagano.
Bazlamâča z jabukama
Zakipi mleka, a vu loncu pripravi brašna, nalij kipuče mleko na brašno i dobro zlupaj da ne bude grudica. To mora redje biti, neg za bazlamaču ze sirom, jerbo se brašno od kipučeg mleka nabubri. Razbeli mast i zlij vu lonec. Dotle si već pripravi reske jabuke, obeli ih i na kriške zreži.
Dugi pleh namaži z masti, polovicu od testa zlij vu pleh, ondak meči jabuke, posiplji na jabuke cukora, a drugu polovicu opet stresi na jabuke. Polahko peci, da se i jabuke dobro spečeju. Obično se donese zajedno s plehom na stol, jerbo se ne da rezati, doklem se obična bazlamača i ona sa sirom u lepe četverovuglate delove režeju. Zato treba, da je pleh uvek čist, da se ne trebaš stiditi.
Bazlamâča od pšenice
Na litru mleka zemi litru pšeničnoga brašna i 6 celih jajca i to dobro stuci vu loncu barem pol vure. U dugom plehu razbeli 3 žlice masti i na razbelitu mast zlij, pak peci dosta naglo. Ovoliko testa je dosta za društvo od koje osam osoba: dakako je to za osladiti ručak, a ne da se samo toga najedeš. Tak su i sve druge pečene testenine i kolači.
Ine zveze
Reference
Skraćena kompilacija po starim hrvatskim kuharicama iz 19. stoljeća (Kaykavian old recipes from 19th century, available by GNU-license).
